Dendias: Dakordësi me Shqipërinë për mbledhjen e Komisionit për Varrezat e Ushtarëve Grekë

Ministri grek i Mbrojtjes, Nikos Dendias u prit në një takim nga homologu i tij shqiptar Ermal Nufi, ndërsa në fokus të takimit ishte forcimi i bashkëpunimit dypalësh Shqipëri-Greqi dhe vijimi i dialogut të ngushtë në fushën e mbrojtjes dhe sigurisë.

Duke vlerësuar mbështetjen e Greqisë për rrugëtimin evropian të Shqipërisë, ministri Nufi u ndal te promovimi i stabilitetit dhe sigurisë rajonale, veçanërisht në Ballkani Perëndimor, i cili mbetet prioritet strategjik i përbashkët i dy vendeve.

Nga ana e tij në një postim në platformën X, Dendias bëri të ditur se gjatë takimit me homologun shqiptar është diskutuar edhe çështja e varrezave të ushtarëve grekë.

“Gjatë takimit me homologun tim shqiptar, Ermal Nufi, ramë dakord për mbledhjen e menjëhershme të Komisionit të Përbashkët të Ekspertëve për Varrezat Ushtarake. Greqia respekton në mënyrë të vazhdueshme ata që u sakrifikuan për Atdheun”, shkroi Dendias.

Κατά τη συνάντηση με τον Αλβανό ομόλογό μου Ermal Nufi, συμφωνήσαμε για την άμεση σύγκληση της Μεικτής Επιτροπής Εμπειρογνωμόνων για τα Στρατιωτικά Κοιμητήρια. Η #Ελλάδα σέβεται διαχρονικά αυτούς που θυσιάστηκαν για την Πατρίδα. pic.twitter.com/5ui0Ts2njF