Deschamps: Eventi im i fundit me kombëtaren, kam ende 2-3 dilema para se të shpall listën – Telesport

Trajneri i Francës, Didier Deschamps, ka folur për mediat për Kupën e Botës që nis pas një muaji. Ai tha: “Nuk ndiej asnjë presion, vetëm adrenalinë, sepse ka shumë pritje para një Kupe Bote. E kemi pritur këtë moment për muaj të tërë dhe do të përpiqemi të parashikojmë të gjitha situatat e mundshme”.

Ai pranoi se ky do të jetë eventi i fundit që merr pjesë me kombëtaren franceze: “Po, me ekipin kombëtar francez ky është turneu i fundit. Do të jetë i katërti dhe gjithashtu i fundit, por kemi një ngjarje shumë të rëndësishme përpara nesh dhe do të jetë një betejë e madhe.”

Më tej, trajneri u pyet edhe për skuadrën, duke qenë se ftesat paraprake të ekipit kombëtar francez do të publikohen pas tre ditësh, të cilat do të përfshijnë lojtarët që do të fluturojnë për në Shtetet e Bashkuara pas një muaji.

“Në kokën time, gjithçka është përcaktuar tashmë, megjithëse ka ende disa gjëra për t’u marrë në konsideratë, dhe në futboll, nuk i dihet kurrë. Janë ende 2-3 reflektime që duhet të kryej deri në fund të sezonit për të zbarhdur listën përfundimtare”, komentoi Deschamps.