Deschamps largon presionin nga Franca: Spanja është favoritja e vërtetë për trofeun

“E njohim mirë Spanjën, janë kampionët në fuqi të Europës. Jemi përballur me ta edhe në gjysmëfinalen e Nations League verën e kaluar. Na konsideronin favoritë para Botërorit, por favoritja e vërtetë është Spanja”.

Kjo deklaratë vjen nga trajneri i Francës, Didier Deschamps, në prag të gjysmëfinales kundër Spanjës. Ai i sheh kampionët e Europës në fuqi si favoritë. Trajneri i “Gjelave” provon kështu të largojë sa më shumë presionin nga të tijtë.

“Kjo i vë më shumë nën presion ata (spanjollët) për shkak të asaj që kanë arritur, edhe pse e kanë humbur finalen e Nations League kundër Portugalisë. Kanë një skuadër të shkëlqyer, me shumë pika të forta”, – ka shtuar Deshamps për “Movistar Tv”.

“Mbi të gjitha, është gjysmëfinalja e parë e Botërorit dhe niveli është jashtëzakonisht i lartë”, – ka theksuar në fund trajneri francez, i cili ka mbajtur këtë qëndrim ndaj Spanjës që në fillim të turneut.