DETAJE/ Socialistët propozojnë ndryshime në ligjin për Policinë e Shtetit

Partia Socialiste ka propozuar sot në 21 maj ndryshime në ligjin për Policinë e Shtetit.

PS kërkon heqjen e konkursit në Departamente dhe Drejtori. Kjo, pasi e konsideron këtë proces se është i tejzgjatur dhe pa produktivitet.

Po ashtu, PS kërkon që të hiqet konkursi edhe për shefat e komisariateve, raporton gazetarja e Klan News Greta Bullari.

“Procedura e përzgjedhjes së drejtuesve të strukturave të nivelit të lartë policor, është kthyer në pengesë në vetë ushtrimin e veprimtarisë së tyre, kanë ulur ndjeshëm reagimin dhe produktivitetin e veprimtarisë qoftë administrativ po ashtu dhe atë operativ, për shkak të një procesi konkurrimi të tejzgjatur në kohë dhe pa produktivitet përzgjedhje. Zhvillimi i këtij procesi, ka shtuar procedurat burokratike, formale dhe aspak efektive për përzgjedhjen e drejtuesve në pozicione të larta drejtuese, atë të zëvendësdrejtorit të përgjithshëm, drejtorit të departamentit, drejtuesit vendor dhe deri tek shefi i një komisariati”, thuhet në relacion.

Ndërsa, kryepolici mund të kthehet sërish në detyrë, pasi të përfundojë mandatin, duke mbajtur gradën “Drejtues i parë”.

Gjithashtu, parashikohet ngritje në gradë për efektivët që kanë rezultate edhe për 4 vite.