Dhunoi administratorin e Tominit në Dibër, policia arreston Dritan Selishtën
Policia e Dibrës ka arrestuar Dritan Selishtën, i cili ka qenë me precedent me parë.
Arrestimi i tij është bërë në fshatin Brezhdan, njësia Administrative Tomin, në afërsi të banesës së tij.
Dritan Selishta ishte i shpallur në kërkim policor si autor i dyshuar i ngjarjes së ndodhur në fshatin Pilaf, njësia Administrative Tomin.
Selishta dyshohet se ka goditur me grushte dhe sende të forta Administratorin e njësisë Administrative Tomin, N.M, 58 vjeç.
Shërbimet e policisë kanë bërë shoqërimin në ambientet e policisë Dibër të shtetasit Dritan Selishta, ku në bashkëpunim me Prokurorinë do të kryejnë veprimet e mëtejshme në lidhje me këtë ngjarje.
Në përfundim të veprimeve proceduriale që do të kryhen në bashkëpunim me Prokurorinë do tju nisim informacion përfundimtar.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.