Dhunoi gazetarin në Tiranë, shpallet në kërkim autori

Një gazetar është dhunuar mesditën e së mërkurës në rrugën “Çamëria”, ku dyshohet se është goditur me grusht për motive të dobëta.

Shtetasi me iniciale I. D. është transportuar menjëherë në spital, ku po merr ndihmën e nevojshme mjekësore. Gjendja e tij shëndetësore nuk bëhet ende e ditur.

Pas njoftimit, shërbimet e Policisë kanë mbërritur në vendngjarje dhe kanë nisur hetimet. Si rezultat i veprimeve të shpejta, është identifikuar autori i dyshuar, shtetasi R. S., i cili është shpallur në kërkim.

Policia bën me dije se vijojnë kontrollet për lokalizimin dhe kapjen e tij, ndërsa në kuadër të hetimeve është sekuestruar edhe automjeti i përdorur nga i dyshuari.

Grupi hetimor, nën drejtimin e Prokurorisë, po vijon punën për zbardhjen e plotë të rrethanave të ngjarjes.