Diomande është i Realit, 140 milionë euro në arkat e Leipzigut

Yan Diomande është shumë pranë transferimit te Reali i Madridit. “Los Blancos” kanë ndërmarrë hapa konkretë për të finalizuar marrëveshjen me Leipzigun – siç raportohet nga Sky Sport DE – dhe janë gati të mirëpresin një tjetër përforcim në skuadrën e José Mourinhos, duke shtuar kështu listën e blerjeve që tashmë përfshin Denzel Dumfries, Marc Cucurella, Bernardo Silva, Ibrahima Konaté dhe Carlos Espì.

Sipas informacioneve nga Gjermania, marrëveshja do të ketë një vlerë totale prej 140 milionë eurosh.

Real Madridi dhe Leipzigu kanë finalizuar një marrëveshje me një shumë fikse prej 125 milionë eurosh, së bashku me bonuse që mund ta çojnë totalin në 140 milionë euro.

Shuma prej 15 milionë eurosh në formë bonusesh ndahet në 10 milionë euro që arrihen lehtësisht dhe 5 milionë të tjera që janë më të vështira për t’u aktivizuar. Leganés do të përfitojë 5% të shumës, bazuar në marrëveshjen që solli anësorin nga Bregu i Fildishtë nga klubi spanjoll te Leipzigu.

Futbollisti nga Bregu i Fildishtë pritet të mbërrijë në kryeqytetin spanjoll në ditët në vijim, për të përmbyllur procesin që çon te nënshkrimi i një kontrate pesëvjeçare me Real Madridin.