Disiplina, gjoba për Partizanin, Tiranën e Dinamon. Dy ndeshje pezullim për Bocin e Teutës

Komisioni Disiplinës ka gjobitur me nga 100 mijë lekë Partizanin dhe Tiranën për sjellje të gabuar të spektatorëve. Për shkelje të rregullores së aktivitetit, duke shkaktuar në mënyrë të përsëritur vonesa në fillimin e ndeshjes, Dinamo është gjobitur me 50 mijë lekë. Futbollisti i Teutës, Muco Boci, për lojë të rëndë ndaj lojtarëve kundërshtarë, dënohet me dy ndeshje pezullim nga aktiviteti.

Nuk kanë munguar gjobat dhe në Kategorinë e Parë, për Besën dhe Besëlidhjen, që janë gjobitur me nga 50 mijë lekë. Ndërkohë, te futbolli i moshave nuk kanë munguar ndëshkimet e rënda, nga pezullimi i lojtarëve nga aktiviteti, deri te humbja e ndeshjes në tavolinë.

Vendimet e plota:

FK Partizani urdhërohet të dëmshpërblejë dëmet e shkaktuara në stadiumin “Air Albania”, sipas aktkonstatimit përkatës, brenda 15 (pesëmbëdhjetë) ditëve.

KF Tirana urdhërohet të dëmshpërblejë dëmet e shkaktuara në stadiumin “Air Albania”, sipas aktkonstatimit përkatës, brenda 15 (pesëmbëdhjetë) ditëve.

Kundër vendimit lejohet ankim brenda 3 (tre) ditëve përpara Komisionit të Apelit.

Ende nuk ka komente. Bëhuni i pari që komenton.