Doreza ikonike e Michael Jackson dalë në ankand në Kaliforni

Doreza e njohur e bardhë e Michael Jackson, e zbukuruar me gurë të çmuar, do të dalë në ankand në Kaliforni. Çmimi fillestar i shitjes do të jetë 50 mijë dollarë, ndërsa pritet që të arrijë deri në 100 mijë dollarë.

Kjo dorezë iu dhurua artistit personal të Michael Jackson, Paul Bedard, në vitin 1984. Dhurata u bë si shenjë mirënjohjeje pasi Bedard krijoi një vepër arti në ambientet e Neverland, ku shfaqej Jackson së bashku me figura të tjera të njohura, të gjitha me dorezën e tij karakteristike.

Ndërkaq, një tjetër dorezë e bardhë e Michael Jacksonit po qëndron në ankand në Francë, me vlerë të parashikuar prej 100 mijë deri në 150 mijë euro. Ankandi në Kaliforni do të mbyllet më 30 prill.