Drejtori i Policisë Hitaj viziton sërish efektivët e lënduar pas protestës para Parlamentit

Drejtori i Përgjithshëm i Policisë së Shtetit, Drejtues Madhor Skënder Hita, vizitoi këtë të enjte në Spitalin e Traumës efektivët e Policisë së Shtetit që mbetën të lënduar gjatë protestës së zhvilluar para Parlamentit.

Gjatë vizitës, Hita u njoh nga afër me gjendjen shëndetësore të punonjësve të policisë dhe bisedoi me ekipin mjekësor për ecurinë e trajtimit të tyre.

Sipas Policisë së Shtetit, 15 efektivë mbetën të lënduar gjatë përplasjes me protestuesit, pas hedhjes së gurëve, sendeve të forta dhe mjeteve piroteknike ndaj forcave të rendit.

Drejtori i Përgjithshëm vlerësoi profesionalizmin dhe vetëpërmbajtjen e treguar nga efektivët gjatë menaxhimit të situatës, ndërsa i siguroi ata për mbështetjen e institucionit dhe garantimin e të gjithë kujdesit të nevojshëm mjekësor deri në rikuperimin e plotë.

Në deklaratën e Policisë thuhet se Hita ritheksoi se efektivët do të vijojnë të ushtrojnë detyrën në zbatim të ligjit dhe në shërbim të qytetarëve, me synim garantimin e rendit, sigurisë publike dhe mbrojtjen e institucioneve të vendit.