E pabesueshme! Newcastle refuzon ofertën zyrtare 92 milionë euro për Sandro Tonali

Ashtu siç edhe pritej, Sandro Tonali është protagonisti kryesor i merkatos në Angli. Italiani është nën lupën e të gjitha klubeve të mëdha në Premier League dhe gara për transferimin e tij, po rezulton më e fortë nga dita në ditë.

Sky Sports zbulon së fundmi se Newcastle ka refuzuar një ofertë zyrtare nga Tottenham, e cila ishte plot 92 milionë euro.

Pavarësisht se është një shifër shumë e madhe, 92 milionë euro, “Qymyrxhinjtë” nuk heqin dorë nga vendimi që kanë marrë. Sandro Tonali do të largohet këtë verë, vetëm për shifrën 115 milionë euro.

Ajo që mund të thuhet me siguri të plotë është se Tonali do të jetë emri më i lakuar këtë verë në Angli. Ajo që mbetet ende engimë, është se cili klub do të fitojë betejën për italianin.

Beteja sa po ka filluar, dhe shifra 92 milionë euro është vetëm oferta e parë zyrtare. Ditët në vijim me siguri që do të ketë oferta të jera, jo vetëm nga Tottenham, por edhe nga Arsenal e Manchester City.