Era e fortë shkakton dëme në jugperëndim të vendit, shpejtësia arrin deri në 80 kilometra në orë
Drejtoria për Punë Hidrometeorologjike paralajmëron shi dhe erëra të forta edhe nesër, ndërsa nga e diela temperaturat bien.
Era e fuqishme që ka përfshirë vendin, duke arritur shpejtësi deri në 80 kilometra në orë, ka shkaktuar dëme edhe në disa zona në jugperëndim, sipas Alsat.
Nga Drejtoria për Punë Hidrometeorologjike njoftuan se edhe sot priten reshje shiu, të cilat do të jenë më të dendura në pjesët perëndimore.
Meteorologia Juliana Fidanoska Miskoska tha se erërat e forta do të vazhdojnë sot dhe gjatë gjithë ditës së nesërme, sidomos në pjesët perëndimore, në rajonin e Pelagonisë dhe në jugperëndim, ku shpejtësia mund të arrijë 70 deri në 80 kilometra në orë, sipas Alsat.
Nesër moti do të jetë relativisht i ngrohtë, me temperatura nga 15 deri në 22 gradë Celsius, por kjo situatë nuk do të zgjasë shumë. Nga e diela temperaturat do të pësojnë rënie graduale, ndërsa të hënën pasdite erërat do të forcohen, veçanërisht përgjatë luginës së Vardarit.
Rënia e temperaturave fillimisht do të ndihet në pjesët veriore të vendit, ku ato pritet të jenë 8 deri në 10 gradë më të ulëta, ndërsa nga e marta i ftohti do të përfshijë të gjithë vendin. Të hënën reshjet e shiut në zonat malore do të shndërrohen në borë, ndërsa nga e marta deri të premten priten ditë më të ftohta, sipas Alsat.



Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.