Federata belge sfidon FIFA-n për pjesëmarrjen e Balogun në Kupën e Botës

Federata belge e futbollit kërkoi shpjegime nga FIFA lidhur me vendimin që lejon sulmuesin e Shteteve të Bashkuara, Folarin Balogun, të luajë në Kupën e Botës pavarësisht se mori karton të kuq në ndeshjen e mëparshme. Belgjika do të përballet me SHBA-në më vonë të hënën për një vend në çerekfinale.

Sipas Associated Press, federata belgje njoftoi se ende nuk ka marrë as vendimin e FIFA-s e as ndonjë shpjegim për këtë çështje dhe për pasojë ka vendosur të sfidojë të drejtën e lojtarit për të marrë pjesë në ndeshje.

Federata tha se, në mungesë të një përgjigjeje zyrtare nga FIFA, nuk ka zgjidhje tjetër përveçse të ngrejë një kundërshtim ndaj pjesëmarrjes së Balogun në këtë takim. Çështja dhe çdo vendim i mëtejshëm do të ndiqen nga afër para nisjes së ndeshjes, raporton Associated Press.