FIFA, 871 milionë euro për 48 ekipet pjesëmarrëse në Kupën e Botës

Rriten premiot për 48 ekipet pjesëmarrëse në Kupën e Botës 2026. Komiteti ekzekutiv i FIFA-s, i mbledhur në Vankuver në përgatitje për kongresin e nesërm, mori vendimin. Rritja prej 15% lidhet me rritjen e të ardhurave komerciale nga turneu, i cili fillon më 11 qershor në Shtetet e Bashkuara, Kanada dhe Meksikë. Shuma totale e çmimeve është rritur nga 727 milionë dollarë dhjetorin e kaluar, tashmë dyfishi i asaj të Katar 2022, në 871 milionë dollarë që është aktualisht.

Çdo ekip do të marrë një kontribut minimal prej 2.5 milionë dollarësh për përgatitje (nga 1.5 milionë dollarë) dhe 10 milionë dollarë (nga 9 milionë dollarë) vetëm për pjesëmarrjen në fazën e grupeve. Pjesa tjetër e çmimit do të shpërndahet bazuar në performancën e ekipeve. Ekipi kampion bote do të marrë 50 milionë euro.