Llapi ka shënuar fitore të rëndësishme në garën për mbijetesë në Superligën e Kosovës në futboll. 

Llapi të dielën e mposhti në udhëtim Gjilanin me rezultatin 2:1. 

Kjo ndeshje i takoi xhiros së 34-t të elitës së futbollit kosovar. 

Llapi mbetet në pozitën e tetë, të plejautit me 43 pikë. Gjilani bie në vendin e gjashtë me 45 pikë. 

Arianit Hasani e kaloi në epërsi Llapin në minutën e tetë. Gjilani i barazoi shifrat në 1:1 në minutën e 15-të me supergolin e shënuar nga Armend Thaqi. Thaqi shënoi nga goditja e dënimit.

Hasani e shënoi golin e fitores 2:1 për Llapin në minutën e 27-të.