FOKUS – Pse noti të bën të lumtur?

– Ka nga ata që notojnë për të mbajtur trupin në formë, sepse janë të detyruar, sepse ndodhen në det, sepse bën vapë ose thjesht sepse e kanë bërë gjithmonë. Pastaj janë ata që notojnë nga dashuria, sepse janë të zemëruar, sepse nuk durojnë më ose sepse vetëm kështu arrijnë të jenë të lumtur, shkruan salute.eu.

Vlerësohet se noti aktivizon në trupin e njeriut më shumë se 200 muskuj, nga krahët te legeni e më pas deri te këmbët.

Megjithatë, larg të qenit vetëm një sport fizik, është pikërisht dimensioni emocional ai që i magjeps më shumë njerëzit. Sepse, me çdo lëvizje të krahëve në ujë, bota mbetet në plan të dytë dhe njeriu përqendrohet vetëm te mendimet e veta.

Fillimi i stinës së bukur, me detet e para dhe rrezet e para të verës, është momenti ideal për të vlerësuar dhe njohur më mirë një aktivitet që mund të praktikohet si në qytet, ashtu edhe gjatë pushimeve, në det apo në mal.

Noti është njëkohësisht një metaforë e jetës dhe një realitet paralel, një ushtrim që nis në ujë dhe vazhdon edhe jashtë tij.

Profesorja Barbero, shumë njerëz kanë nisur të notojnë “të detyruar” që në fëmijëri. Pse kjo përvojë shpesh përjetohet si traumë?

“Po, edhe marrëdhënia ime me ujin nisi me një traumë të lehtë: hyrja në ujin e ftohtë, mbajtja e duarve te buza e pishinës për të rrahur këmbët, buzët blu që dridheshin, të miat dhe të fëmijëve të tjerë. Nuk është e lehtë të mësosh të qëndrosh mbi ujë…”

Uji na ndihmon ta lëmë botën për pak në kllapa. Jo sepse na bën të ikim nga problemet, por sepse, kur heqim rrobat dhe i lëmë në dhomën e zhveshjes ose në plazh, është sikur lëmë mënjanë edhe peshat e jetës sonë: problemet, urgjencat dhe afatet

Ka nga ata që notojnë mes një angazhimi dhe tjetrit. Si mund të hyhet vërtet i lehtësuar në ujë?

Ndonjëherë hyjmë në ujë me një mendim në kokë dhe kjo është e pashmangshme, por mund të vendosim ta përballojmë pikërisht aty, në ujë.

Sipas ekspertëve 10-20 xhirot e para më shërbejnë për të rilidhur mendjen me trupin. Më pas dorëzohem ndaj ritmit dhe, duke numëruar xhirot, hyj në një lloj meditimi.

Stili i lirë shërben për të shpëtuar veten: kur ke nevojë të dalësh nga një situatë që nuk funksionon ose të zgjidhësh një problem, është stili ideal. Bretkosa është stili i heshtjes, reflektues dhe mendues.

Noti në shpinë është më poetiku, sepse shikon lart, drejt qiellit, dhe vazhdon përpara edhe pa parë se çfarë ke përballë. Ndërsa delfini është për ata që duan të bien në sy me gjithë fuqinë dhe madhështinë e tyre.