FOKUS – Ukraina përdor armë robotike, të drejtuar nga IA, kundër dronëve ruse

KIEV, 5 tetor /ATSH-AFP/ – Ukraina ka nisur përdorimin e mitralozëve të rëndë të montuar në skelet robotike, të kontrolluara nga inteligjenca artificiale, për të interceptuar dronët rusë, përfshirë modelet me motor reaktiv.

Zëdhënësi i Forcave Ajrore ukrainase, Juri Ihnat, deklaroi sot se skeletet robotike po instalohen në ura në mënyrë që të mund të përdoren për mbrojtjen kundërajrore.

Sipas tij, këto sisteme kanë arritur tashmë të rrëzojnë pranë Kievit disa dronë me motor reaktiv.

Këta dronë konsiderohen më të vështirë për t’u shkatërruar sesa modelet tradicionale, për shkak të shpejtësisë së tyre më të madhe.

Sistemet robotike përdorin sensorë dhe algoritme për të zbuluar dhe gjurmuar objektivat ajrore, ndërsa frëngjia drejton automatikisht armën drejt dronit.

Kjo mund të mundësojë reagim më të shpejtë ndaj objektivave që fluturojnë me shpejtësi të lartë.

Përdorimi i këtyre sistemeve tregon për rritjen e rolit të automatizimit dhe inteligjencës artificiale në luftën kundër dronëve, një nga aspektet më të rëndësishme të luftës moderne në Ukrainë. /Ad. Ab./