Franca është “në flakë”, vala e të nxehtit intensifikohet, zjarret kanë djegur 78,000 hektarë

Vala e të nxehtit u intensifikua më tej sot në Francë duke vënë në provë qëndrueshmërinë e popullsisë dhe zjarrfikësve, të cilët po luftojnë në shumë fronte, me zjarre që shpërthyen më herët se vitin e kaluar dhe që po rezultojnë më shkatërruese.Rreth 78,000 hektarë u bënë hi në tetë ditët e para të korrikut, krahasuar me pak më shumë se 44,000 në të njëjtin muaj në vitin 2025, sipas të dhënave nga Sistemi Evropian i Informacionit për Zjarret në Pyje (Effis), të cilat u analizuan nga Agjencia Franceze e Lajmeve (AFP). Forcimi i erërave e ndërlikoi punën e zjarrfikësve.

Një zjarrfikës vullnetar 22-vjeçar vdiq sot në Alpet Franceze ndërsa luftonte me flakët në një zjarr pyjor që shpërthente në një shpat të pjerrët.

Mbi 40 gradë

Temperaturat e larta, me 67 departamente në alarm portokalli, po përhapen në veri dhe lindje dhe nesër pesë departamente të tjera do të vendosen në alarm portokalli, paralajmëron Météo-France, e cila parashikon se kjo “valë e rëndë dhe e vazhdueshme e nxehtësisë” do të zgjasë “ka shumë të ngjarë deri në fundjavën e ardhshme”.Këtë pasdite, zhiva shpesh u ngjit midis 38 dhe 41 gradë Celsius, në juglindje të vendit.

Temperatura rekord të larta për korrikun u regjistruan në aeroportin e Montpellier (40.7 gradë Celsius) dhe qytetin e Perpignan (40.7 gradë Celsius).Kjo valë intensive e nxehtësisë është e treta në më pak se dy muaj pas një vale jashtëzakonisht të hershme në fund të majit, e cila u pasua nga një valë nxehtësie në gjysmën e dytë të qershorit. Në një shenjë të ngrohjes globale, më shumë se gjysma e 53 valëve të nxehtësisë të regjistruara që nga viti 1947 kanë ndodhur që nga viti 2010.Edhe një herë, kompania hekurudhore SNCF e Francës anuloi trenat sot pasi nxehtësia ndikoi në funksionimin e linjave ajrore të kontaktit që furnizojnë me energji elektrike trenat.