Francë, Gjykata e Kolmarit, lirohet Ramush Haradinaj

Gjykata e Kolmarit në Francë liroi para pak minutash, në seancën që filloi në ora 9.00, ish-kryeministrin e Kosovës, Ramush Haradinajn.
Kërkesa e autoriteteve serbe për ekstradimin e ish-komandantit të UÇK-së për zonën e Dukagjinit, i akuzuar për krime lufte nga Prokuroria e Serbisë, nuk u pranua.
Kryetari i Aleancës për Ardhmërinë e Kosovës, Haradinaj, mbahej në Francë në liri me kusht që prej janarit, kur u arrestua mbi bazën e një fletë-arresti serb.
Gjykata e Kolmarit ishte rrethuar me forca të shumta policore dhe seanca u mbajt nën masa të larta sigurie.