Francezët pyesin: Cili është vrasësi [foto]

Dilema të mëdha te Policia franceze ka zgjuar identifikimi i njërit nga vrasësit në Stade de France të premten e 13 nëntorit.

Një ditë pas sulmeve të tmerrshme terroriste në Paris, Policia franceze, afër trupit të kamikazit kishte gjetur një pasaportë me emrin që mendohej të ishte i tij: “Ahmad Al-Mohammad”. Atëherë edhe pothuaj ishte zgjidhur enigma rreth tij pasi që me aktivizimin e mjetit të tij shpërthyes ishin vrarë vetëm tre persona. E gjithë kjo, thuhet, me meritë të rojës afër stadiumit i cili e kishte hetuar qëllimin e keq të tij, transmeton Koha.net.

Por tashmë është zbuluar edhe një pasaportë tjetër po me të dhënat e “Ahmad Al-Mohammad”, me një foto tjetër.

Kjo me gjasë e ka vënë në lajthitje Policinë francez e cila ka lutur qytetarët e vet që çfarëdo që të dinë për këta dy persona me foto të ndryshme e me pasaportë të njëjtë, të njoftojnë stacionet e afërta policore.

Njëri nga këta persona kishte lypur azil në Preshevë, pastaj kishte shkuar në Gjermani e më pas ishte futur në Francë.