Futbollisti 24-vjeçar ka ndërruar jetë në fushë pasi u godit nga rrufeja

Një ngjare e rëndë ka ndodhur në Tajlandë. Futbollisti Safwan Awae, 24 vjeç, vdiq pasi u godit nga rrufeja gjatë një stuhie në gjysmëfinalen e një turneu rajonal midis ekipeve amatore tajlandeze dhe malajziane.

Një shkarkesë e fuqishme elektrike goditi fushën. Awae u rrëzua menjëherë dhe vdiq në vend. Dymbëdhjetë lojtarë të tjerë pësuan djegie.

Safwan Awae kishte nënshkruar së fundmi një kontratë profesioniste me një ekip të divizionit të tretë, FC Yala.