GJERMANI – RIAS: 564 incidente antisemite me lidhje islamike

Të dhënat janë mbledhur nga RIAS (Shoqata Federale e Departamenteve për Kërkim dhe Informacion mbi Antisemitizmin).

Në total, organizata dokumentoi më shumë se 31 200 incidente antisemite në Gjermani gjatë këtyre shtatë viteve.

Incidentet me sfond islamik përbënin rreth 1,8% të totalit.

RIAS e përshkroi këtë si një përqindje relativisht të ulët.

Për krahasim, 17,4% e incidenteve iu atribuuan aktivizmit anti Izrael, ndërsa 11,7% ekstremizmit të djathtë.

Në rreth 55% të rasteve, RIAS tha se nuk ishte e mundur të përcaktohej qartë motivi ose sfondi i incidentit.

Megjithatë, raporti vëren një ndryshim të rëndësishëm për nga ashpërsia e incidenteve.

Rastet e klasifikuara me sfond islamik kishin më shumë gjasa të përfshinin kërcënime, sulme fizike ose dhunë ekstreme.

Në këtë kategori, këto forma më të rënda përbënin 15,1% të incidenteve, krahasuar me 6,1% të të gjitha incidenteve antisemite të regjistruara nga RIAS.

Nga 564 incidentet me sfond islamik, 15,1% përfshinin kërcënime, sulme ose dhunë ekstreme.

Në totalin prej mbi 31,200 incidenteve antisemite, vetëm 6,1% përfshinin këto forma më të rënda. /Ad.Ab./ a.jor.