Gjykata holandeze urdhëron masa shtesë për të mbrojtur Nexperia-n nga ndërhyrja e pronarit kinez Wingtech

Siç njofton Reuters, një gjykatë holandeze ka urdhëruar masa shtesë për të mbrojtur prodhuesin holandez të çipave Nexperia nga ndërhyrja e pronarit të tij kinez Wingtech, njoftoi kompania të enjten. Dhoma e Ndërmarrjeve e gjykatës së rrethit të Amsterdamit konstatoi të mërkurën se veprimet e Wingtech dhe të Nexperia China kishin minuar vendimet e saj të mëparshme.

Mosmarrëveshja nisi pas ndërhyrjes së shtetit holandez në shtator 2025, që synonte të pengonte kompaninë të zhvendoste operacionet në Kinë.

Vitin e kaluar Dhoma konstatoi se kishte “arsye të bazuara për të dyshuar” se kompania nuk po menaxhohej siç duhet, pezulloi themeluesin Zhang Xuezheng nga posti i drejtorit ekzekutiv dhe urdhëroi që kontrolli i aksioneve të Wingtech t’i kalonte një avokati holandez.

Tani gjykata u ka urdhëruar Wingtech, Zhang-ut, Nexperia China dhe drejtuesve të tjerë të Wingtech të “përmbahen nga ndërhyrja në veprimtaritë normale të biznesit të Nexperia-s” dhe të “respektojnë kompetencat e zyrtarëve të pavarur të emëruar nga gjykata, që ata të mund të kryejnë detyrat e tyre, përfshirë eksplorimin e një zgjidhjeje të mundshme afatgjatë për Nexperia-n”.

Sipas kompanisë, këto urdhra mbështeten me “gjoba të konsiderueshme”. Wingtech nuk mundi të kontaktohej menjëherë për koment, sipas Reuters.