Gogu prezanton drejtorin e ri të Agjencisë së Trajtimit të Pronave: Rrisim transparencën për qytetarët

Ministri i Drejtësisë, Toni Gogu, prezantoi drejtorin e ri të Agjencisë së Trajtimit të Pronave, Valdrin Pjetri, gjatë një takimi me stafin, ku përcaktoi edhe prioritetet kryesore të punës.

Ai kërkoi rritje të ritmit të trajtimit të dosjeve, forcim të transparencës ndaj qytetarëve dhe vendosje të standardeve të larta të integritetit dhe llogaridhënies në punë. Ministri theksoi gjithashtu rëndësinë strategjike të çështjes së pronës për shtetin e së drejtës, ekonominë dhe integrimin europian.

Në përfundim, Gogu rikonfirmoi mbështetjen e Ministrisë së Drejtësisë për drejtimin e ri dhe kërkoi përmirësim të vazhdueshëm të punës nga stafi.