Projekti është parashikuar te zgjasë 2 vite dhe do të mundësojë për fituesit shpërndarjen e rreth 110 granteve. Plani i biznesit fitues, do të përzgjidhet nga një komision vlerësues profesional dhe i paanshëm. Grantet do të kalojnë përmes Ministrisë së Financave dhe Ekonomisë dhe do t’u shpërndahen sipërmarrësve te rinj dhe atyre ekzistues. Fushat kryesore që mbulon Skema IDEA- Grant janë informatika, tekstilet, turizmi, zejtaria dhe agro-përpunimit, por jo vetëm.
Skema IDEA-Grant ofron subvencionim për kosto që kanë të bëjnë me aktivitete të miratuara mbi bazën e ndarjes së kostove. Kjo nënkupton se granti nuk financon gjithë kostot, por vetëm një pjesë të tyre, ndërkohë që pjesa tjetër financohet nga përfituesi i grantit.
Njësia e Zbatimit te projektit PIU- ProSEEED njofton të gjitha bizneset ekzistuese dhe start-up se kanë filluar aplikimet për Skemën e IDEA-Grant në mbështetje të aspirantëve për sipërmarrës. Thirrja e tretë për propozim hapet në datë 01.11.2018 do të mbetet e hapur deri në datë 30.11.2018” vlerëson Ministria e Financave në njoftimin e saj. Lidhur me kriteret e aplikimit dhe detajet e tjera rreth projektit kjo ministri ka publikuar edhe rregulloren, modelin e plan biznesit që duhet të paraqesin sipërmarrësit, formulari i vetëdekalrimit dhe ai i aplikimit.
Në thirrjen e parë që u hap në gusht dhe që shënoi edhe ngritjen e siparit për projektin u paraqitën 53 aplikues të cilët dorëzuan dokumentacion të plotë dhe të rregullt brenda afatit dhe kaluan për vlerësim në Komisionin e Vlerësimit të Granteve (IGAC). Komisioni shpalli 8 fitues.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.