Hollande dhe Cameron, homazhe në Bataclan: Luftë ISIS

Presidenti francez Francois Hollande ka pritur në një takim këtë të hënë në Paris kryeministrin britanik David Cameron.

Dy liderët kanë rënë dakord për përforcimin e bashkëpunimit mes dy vendeve kundër terrorizmit, pas sulmeve të fundit në kryeqytetin francez.

Cameron ka deklaruar se, këtë javë do të përpiqet të sigurojë aprovimin e Parlamentit britanik që Londra të përfshihet në sulmet ajrore në Siri.

Nga ana tjetër, Hollande ka vlerësuar se, “Franca do të intensifikojë bombardimet në Siri, duke zgjedhur objektiva që di t’i shkaktojnë sa më shumë dëme ushtrisë terroriste të ISIS”.

Sa i takon ndërhyrjes në Siri, ka vijuar më tej presidenti francez, vendi e ka marrë vendimin që në shtator, “tani i takon Britanisë që të zgjedhë mënyrën e angazhimit në luftën ndaj ISIS”.

Dy liderët kanë vizituar teatrin Bataclan, ku kanë vendosur buqeta me lule dhe kanë mbajtur një minutë heshtje në nder të viktimave të atentateve.