ICIJ: Dokumentet e “Panama Papers” në dispozicion të publikut nga 9 maji

Miliona dokumente të “Panama Papers”, që nxorrën në dritë skandalin e evazionit fiskal në shkallë globale, do të vihen në dispozicion të publikut duke nisur nga data 9 maj, njoftoi sot organizata-burim e këtyre publikimeve, ICIJ.

”Ekziston një bazë të dhënash që përmban informacione për më shumë se 200 000 shoqëri, shoqëri të administruara dhe fondacione të regjistruara në 21 parajsat fiskale duke nisur nga Hong Kongu duke kaluar më pas nga Nevada në SHBA”, bëri të ditur Konsorciumi Ndërkombëtar i Gazetarëve Investigativë (ICIJ) në një deklaratë.

Prej fillimit të muajit prill, publikimet e “Panama Papers” u bënë shkak për hapjen e çështjeve të shumta hetimore në botë që çuan në dorëheqjen e kryeministrit islandez dhe të një ministri spanjoll.

Rreth 11,5 milionë dokumente të kabinetit panamez “Monsack Fonseca” të publikuara nga qindra media nxorrën kryesisht në pah përdorimin në shkallë të gjerë të shoqërive offshore duke i mundësuar kalimin e kapitaleve në territore të errëta dhe shumë të dobëta në planin tatimor.