IDF: Goditëm mbi 80 objektiva të Hezbollahut brenda natës, dhjetëra të vrarë

Ushtria izraelite njoftoi të premten se gjatë natës goditën më shumë se 80 objektiva të Hezbollahut dhe vranë dhjetëra luftëtarë të grupit.

Në përditësimin e saj të fundit, ushtria tha se sulmet ndodhën në zonën Nabatieh dhe në pjesë të tjera të Libanit jugor, duke goditur luftëtarët e Hezbollahut, qendrat e komandës, pozicionet e nisjes dhe infrastrukturën tjetër.

Ushtria izraelite tha se do të vazhdojë misionin e saj në Libanin jugor, duke u përqendruar në çmontimin e infrastrukturës strategjike nëntokësore të Hezbollahut në zonën Beaufort.

Gjithashtu tha se kreu sulme të fundit në dy qendra komanduese të Hezbollahut në Luginën Bekaa.