Irani paralajmëron përgjigje “shkatërruese” ndaj çdo “gabimi” të SHBA-së

Irani është plotësisht i përgatitur t’i përgjigjet ushtarakisht Shteteve të Bashkuara dhe aleatëve të tyre nëse Uashingtoni bën ndonjë “gabim”, paralajmëroi të martën kreu i Komisionit të Sigurisë Kombëtare të parlamentit iranian, Ebrahim Azizi, siç njofton Al Jazeera.

“Forcat tona të armatosura janë më të përgatitura se kurrë, me gishtin në këmbëz, duke pritur çdo llogaritje të gabuar nga SHBA-ja apo regjimi sionist”, shkroi Azizi në një postim në rrjetin X. “Përgjigjja me të cilën do të përballen do të jetë edhe më e ashpër dhe shkatërruese se çdo gjë që kanë parë më parë”, shtoi ai.

Paralajmërimi vjen në një moment tensioni të lartë, ndërsa lufta mes SHBA-së dhe Iranit ka hyrë në muajin e tetë dhe bllokada detare amerikane vazhdon të mbajë eksportet iraniane të naftës në zero. Zyrtarë të lartë iranianë kanë lëshuar një sërë paralajmërimesh të ngjashme javët e fundit, duke e lidhur çdo përshkallëzim të mundshëm me fatin e Ngushticës së Hormuzit.

Deklarata e Azizit pason gjithashtu paralajmërimet e përsëritura të Teheranit se çdo sulm i ri amerikan do të pasohet nga goditje ndaj bazave amerikane në rajon, një kërcënim që Uashingtoni e ka quajtur të papranueshëm.