IRLANDË – Trump: Lufta me Iranin do të përfundojë së shpejti

DUBLIN, 12 shtator /ATSH-DPA /- Presidenti i SHBA-së, Donald Trump tha se lufta me Iranin do të përfundojë “shumë shpejt” dhe se pas përfundimit të saj çmimi i naftës do të bjerë ndjeshëm.

Gjatë vizitës së tij në Irlandë, një gazetar e pyeti Trump se kur mendonte se do të përfundonte lufta.

“Mendoj se shumë shpejt”, u përgjigj ai.

Trump tha se Irani nuk mund të lejohej të kishte armë bërthamore.

Sipas tij, Irani ishte rreth dy javë larg mundësisë për të krijuar një armë të tillë.

Ai pretendoi se, nëse Irani do të kishte një armë bërthamore, mund ta përdorte kundër Izraelit, vendeve të tjera të Lindjes së Mesme dhe, sipas tij, edhe qyteteve evropiane dhe më pas kundër SHBA-së.

Trump përsëriti se lufta do të përfundojë “së shpejti” dhe tha se pas kësaj çmimet e naftës do të bien ndjeshëm. /