Jepen 517 milionë lekët e para për individët me 1 ose 2 fëmijë në ngarkim në DIVA 2025

Drejtoria e Tatimeve ka njoftuar se ka nisur rimbursimi i 517 milionë e 731 mijë e 642 lekëve për individët përfitues që kanë deklaruar 1 ose 2 fëmijë në ngarkim në DIVA 2025.

Dy ditë më parë Administrata Tatimore njoftoi nisjen e rimbursimit për 34 mijë e 263 individë që kanë deklaruar 1 ose 2 fëmijë në ngarkim në Deklaratën Individuale Vjetore të të Ardhurave për vitin 2025 dhe kanë rezultuar me tatim të mbipaguar.

Sipas njoftimit, procesi i rimbursimit bazohet në të dhënat e DIVA 2025 dhe përfshin individët që, pas deklarimit vjetor të të ardhurave personale, kanë rezultuar se kanë paguar më shumë tatim se detyrimi real. Shumat përkatëse do t’u kthehen qytetarëve në llogaritë bankare të deklaruara prej tyre.

Rimbursimi shihet si një lehtësi fiskale për familjet me fëmijë, duke synuar të mbështesë mirëqenien e tyre dhe të kthejë te qytetarët tatimin e mbipaguar. Administrata Tatimore thekson se përfitimi lidhet me deklarimin korrekt të të ardhurave dhe të fëmijëve në ngarkim.

Procesi synon gjithashtu të nxisë deklarimin e saktë dhe të rrisë efikasitetin e administrimit tatimor, duke e bërë sistemin më transparent dhe më të orientuar drejt shërbimit ndaj qytetarëve.

Pagesat do të kryhen për individët përfitues në llogaritë bankare të deklaruara, ndërsa qytetarët që kanë plotësuar saktë deklaratën dhe kanë rezultuar me tatim të mbipaguar do të përfitojnë kthimin e shumës përkatëse./ Marrë nga Monitor.al

/tvklan.al