Juventusi vazhdon sondazhet për një numër 9, mes Zirkzee dhe Sorloth rishfaqet Mateta

Trajnerit Luciano Spalletti i duhet një qendërsulmues dhe orët e fundit ka dalë në skenë pista e shkëmbimit të francezit me Jonathan David.

Që Luciano Spalletti nuk është i kënaqur nga merkatoja e Juventusit për sulmin, u kuptua nga fjalët e tij për Kolo Muani pas ndeshjes me Frosinone. Tentativa për të motivuar sulmuesin në fjalë shkoi pertej kufijve nga nervozizmi për lojtarin e munguar që nga koha kur ai është ulur në stolin bardhezi: një numër 9 të vërtetë.

Juventusi nuk mundi të mbante Vlahovic dhe më pas mori për 50 milionë euro Kolo Muani, i cili ka karakteristika të tjera dhe roli i bomberit mbetet i hapur. Prandaj, përveç dy emrave të përmendur më parë, Joshua Zirkzee dhe Alexander Sorloth, trajneri mendon edhe për Jean-Philippe Mateta, me të cilin klubi ishte në bisedime në janar dhe më pas akordi nuk u arrit për çështje fizike.

Mateta ka kontratë deri në 2027-ën dhe tani klubi anglez kërkon 25 milionë euro për të, por në marrëveshje mund të përfshihet Jonathan David. Kanadezi vlerësohet 25 milionë nga Juventusi dhe mund të kemi një shkëmbim mes dy sulmuesve. Spalletti e kërkon fort një numër 9.