Kalendari i ditëve jo pune në Maqedoni për vitin 2027
Viti i Ri më 1 janar, Fitër Bajrami më 9 mars, Dita e Pavarësisë më 8 shtator dhe Dita e Alfabetit më 22 nëntor janë ndër datat kryesore të kalendarit preliminar.
Kalendari preliminar i ditëve jo pune për vitin 2027 në Maqedoni është publikuar, sipas Alsat. Ai përfshin festat që vlejnë për të gjithë qytetarët, si dhe ditët e pushimit për komunitetet fetare dhe etnike.
Festat zyrtare për të gjithë qytetarët në vitin 2027 janë: 1 janari (e premte) – Viti i Ri; 7 janari (e enjte) – Krishtlindjet ortodokse; 9 marsi (e martë) – Fitër Bajrami, dita e parë; 1 maji (e shtunë) – Dita e Punës; 3 maji (e hënë) – Pashkët ortodokse, dita e dytë; 24 maji (e hënë) – Shën Kirili dhe Metodi; 2 gushti (e hënë) – Dita e Republikës, Ilindeni; 8 shtatori (e mërkurë) – Dita e Pavarësisë; 11 tetori (e hënë) – Dita e Kryengritjes Popullore; 23 tetori (e shtunë) – Dita e Luftës Revolucionare Maqedonase; dhe 8 dhjetori (e mërkurë) – Shën Klimenti i Ohrit.
Për komunitetin shqiptar, ditë jo pune është 22 nëntori (e hënë) – Dita e Alfabetit të Gjuhës Shqipe.
Kalendari përfshin edhe ditët jo pune për besimtarët ortodoksë, katolikë e myslimanë dhe për komunitetet e tjera etnike e fetare, ndër to Bajrami i Kurbanit, Pashkët katolike, Dita Ndërkombëtare e Romëve, Jom Kipuri dhe festat e tjera.
Kalendari është preliminar dhe, sipas publikimit, është verifikuar më 5 tetor 2026, thekson Alsat.



Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.