Karl Bild: Zhvillimet në Maqedoni shqetësuese

Funksionarë të ndryshëm evropianë vazhdojnë të alarmojnë Maqedoninë për rrezikun nga humbja e perspektivës euro-atlantike. Së fundmi ka reaguar edhe ish kryeministri i Suedisë Karl Bild.

Ai ka shprehur shqetësim të thellë për zhvillimet e fundit që u nxitën nga vendimi i Presidentit Ivanov për faljen e 56 funksionarëve kryesisht të pushtetit të dyshuar për vepra të ndryshme penale.

“Shteti duhet t’i kthehet rrugës evropiane si dhe të respektohen të gjitha Marrëveshjet politike”, ka nënvizuar Bild përmes një reagimi në tuiter.