KATAR – Vdes ish-emiri Sheikh Hamad bin Khalifa Al Thani

KAJRO, 12 korrik /ATSH-DPA/ – Ish-emiri i shtetit të Gjirit të Katarit, Sheikh Hamad bin Khalifa Al Thani, ka vdekur në moshën 74-vjeçare.

”Vdekja e tij është një humbje e madhe për kombin”, tha sot zyra e emirit.

Sheikh Hamad sundoi shtetin e Gjirit për gati 20 vjet, nga viti 1995 deri në vitin 2013, dhe ishte babai i emirit aktual, Tamim bin Hamad Al Thani.

Ai ia kishte marrë pushtetin babait të tij në një grusht shteti pa gjakderdhje dhe ia kishte dorëzuar vullnetarisht të birit në vitin 2013, një veprim i pazakontë në monarkinë trashëgimore.

Sheikh Hamad reformoi dhe modernizoi shtetin e vogël në Gjirin dhe gjithashtu zgjeroi ndjeshëm ndikimin e tij diplomatik.

Nën udhëheqjen e tij, prodhimi i gazit natyror u zgjerua ndjeshëm dhe Katari tani është një nga eksportuesit më të mëdhenj në botë.

Ai tërhoqi investime në vend dhe gjithashtu siguroi Kupën e Botës FIFA 2022, për të cilën vendit iu dhanë të drejtat e organizimit në vitin 2010.

Sheikh Hamad themeloi gjithashtu kanalin e lajmeve ”Al Jazeera”, tani një nga transmetuesit më të rëndësishëm dhe me ndikim në botën arabe.

Ai la pas tre gra, me të cilat pati gjithsej 24 fëmijë.

Dinastia Al Thani mori pushtetin në Katar në shekullin XIX.

Vendi ishte një protektorat britanik deri në fitimin e pavarësisë në vitin 1971./  a.jor.