Kombinat, goditet një tjetër rast i lojërave të fatit të paligjshme

Vijojnë operacionet e Policisë së Shtetit kundër lojërave të fatit të paligjshme ndërsa këtë të diel, në zonën e Kombinat, është zbuluar një tjetër lokal

Vijojnë operacionet e Policisë së Shtetit kundër lojërave të fatit të paligjshme ndërsa këtë të diel, në zonën e Kombinat, është zbuluar një tjetër lokal ku vendoseshin baste përmes kompjuterëve dhe celularëve.

Në kuadër të operacionit policor të koduar “Fati i lojërave”, specialistët për hetimin e krimeve kibernetike kanë arrestuar në flagrancë dy shtetas: E. P., 28 vjeç, administrator i lokalit, dhe F. Gj., 30 vjeç, punonjës në këtë subjekt.

Gjatë kontrollit, policia ka sekuestruar celularë dhe kompjuterë që dyshohet se përdoreshin për organizimin e lojërave të fatit online.

Materialet procedurale i janë referuar Prokurorisë për vijimin e hetimeve dhe veprimeve të mëtejshme ligjore.