Kontrolle në plazhin e Vlorës, paralajmërim bizneseve që zënë hapësirat publike

Në Vlorë, në zonën e Lungomares, një vizitë në terren me fokus plazhin publik dhe parcelat e përcaktuara si hapësira të lira, ku u konstatuan disa shkelje nga biznese që kishin vendosur çadra dhe shezlongë jashtë territorit të lejuar ose në mbivendosje me hapësirat publike.

Në prani të Policisë së Shtetit, ARB Vlorë dhe me mbështetjen e Bashkisë Vlorë, u kërkua lirimi i menjëhershëm i këtyre parcelave dhe u theksua se ndaj çdo subjekti që shkel rregullat do të merren masa ndëshkuese, përfshirë gjobat dhe sekuestrimin e materialeve e pajisjeve.

Kontrollet nga Agjencia Kombëtare e Bregdetit (AKB) do të vijojnë në të gjithë vijën bregdetare, me qëllim garantimin e aksesit të qytetarëve në plazhet e lira publike dhe respektimin e ligjit.