Kryesia vendos/ 4 kandidatë në garë për kreun e PD. Harxhi: skualifikimi akt i rëndë për një parti të djathtë
Kryesia e Partisë Demokratike ka vendosur që të zyrtarizojë si kandidatë për kryetar të Partisë Demokratike Lulzim Bashën, Edith Harxhin, Fatbardh Kadillin dhe Agron Shehajn, duke skualifikuar kështu edhe Ibsen Elezin.
Pak më herët Kryesia e Partisë Demokratike nxorri jashtë gare edhe Admir Mulajn, Edmond Vrapin, Mirjan Jashanllarin dhe Sabri Hoxhën.
Kryesia votoi në unanimitet që të përjashtoheshin nga gara me arsyetimin se nuk janë anëtarë partie, nuk janë të regjistruar në regjistrin e simpatizantëve të Partisë Demokratike dhe se nuk kishin profil publik.
Por kandidatja për kreun e PD-së, Edit Harxhi e ka konsideruar një akt të rëndë skualifikimin nga gara të 5 kandidatëve, që shpallën kandidaturat për zgjedhjet e 13 qershorit. Harxhi veçon Ibsen Elezin, duke u shprehur se “përjashtimi i tij është i pajustifikueshëm”.
Deklarata e plotë e Harxhit
Përjashtimi nga gara i kandidatëve për Kryetar Partie është akt i rëndë për një Parti të djathtë për të cilën Kryetari i saj aktual ka premtuar disa herë sistem përballje (primaresh), por edhe në këtë rast si në raste të tjera ishte besëprerë. Në veçanti përjashtimi nga gara i Ibsen Elezit njërit prej kandidatëve të Grupit për PD-në, si një nga zërat opozitarë më të paepur në Shqipëri, ish Kryetar i Partisë Demokratike të Kukësit dhe ish-Kryetar i Qarkut të Kuksit, ish-anëtar i Këshillit Kombëtar, është i pajustifikueshëm dhe i rëndë. Z. Elezi prej disa vitesh kërkon reformimin e thellë të Partisë nga marrja peng e saj nga një njeri i vetëm. Ne do ta vazhdojmë së bashku si grup këtë betejë për reformim pavarësisht pengesave të qëllimshme nga Kryetari aktual
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.