Kryetari i Parlamentit të Libanit takohet me shefin e ushtrisë amerikane, në fokus sulmet izraelite

Kryetari i parlamentit të Libanit, Nabih Berri ka zhvilluar një takim me Gjeneralin amerikan Joseph Clearfield, kreu i Grupit të Koordinimit Ushtarak për Libanin (MCG4L).

Mësohet se ata kanë diskutuar lidhur me sulmet izraelite në Libanin jugor. Berri tha se Izraeli ka vazhduar shkeljet dhe sulmet sistematike kundër Libanit dhe jugut që nga nëntori i vitit 2024, duke përfshirë shkatërrimin e fshatrave, tokës bujqësore dhe pyjeve, si dhe dëmtimin e vendeve të trashëgimisë kulturore.

Politikani kryesor shiit i Libanit dhe aleati i Hezbollahut kërkoi që Izraeli t’i japë fund luftës dhe të tërhiqet në kufirin ndërkombëtar.

Sipas një armëpushimi të ndërmjetësuar nga SHBA-të, Izraeli ra dakord për një tërheqje graduale nga Libani jugor dhe për vendosjen e ushtrisë libaneze.