Kuvendi/ Manastirliu: Shqipëria më pranë BE-së, do të mbyllim 3 kapitujt e parë të negociatave

Deputetja e PS-së Ogerta Manastirliu, në fjalën e saj në Kuvend deklaroi se Shqipëria po shënon hapa pozitivë në drejtim të integrimit drejt Bashkimit Europian.

Manastirliu nënvizoi se Shqipëria është sot më pranë BE-së (përmendi mbylljen e 3 kapitujve për negociatat me BE), falë reformave të PS-së.

Ogerta Manastirliu: Vizioni i qeverisë është në rrugën e duhur, sepse e ardhmja e vendit është Bashkimi Europian. Sot jemi më pranë integrimit, falë reformave të PS-së. Shqipëria do mbyllë 3 kapitujt e parë të negociatave me Bashkimin Europian. Shqipëria ka shënuar hapa pozitivë në kërkimin shkencor, ka bërë hapa përpara në sport dhe kulturë. Ka investime tek nxënësit, studentët, pedagogët, për çdo të ri dhe të re, që shohin të ardhmen në këtë vend.