Kuvendi zgjedh sot dy anëtarët e KLD-së dhe kreun e AMA-s

Kuvendi në seancën e sotme plenare ka një rend të ngjeshur dite, ku ndër të tjera spikat zgjedhja e zyrtarëve të rinj në disa institucione të rëndësishme.

Krahas disa pr/ligjeve, si ai “Për njoftimin dhe konsultimin publik”, “Për shërbimin e urgjencës mjekësore” dhe ratifikimi i dy marrëveshjeve, parlamenti do të votojë edhe pr/vendimin për zgjedhjen e dy anëtarëve të rinj në Këshillin e Lartë të Drejtësisë, Albana Shtylla dhe Vangjel Kosta. Dy kandidatët do të zëvendësojnë në Këshill anëtarët e shkarkuar një javë më parë nga Kuvendi, Elvis Çefa dhe Lulzim Lelçaj.
Deputetët sot pritet të votojnë gjithashtu edhe zgjedhjen e kreut të ri të AMA-s, si dhe zgjedhjen e komisionerit për Mbikqyrjen e Shërbimit Civil.
Një tjetër pikë me interes e punimeve të sotme në Kuvend është dhe votimi i dy dekreteve të Presidentit për emërimet në Gjykatën e Lartë, ku janë propozuar kandidaturat e Elona Stavrit dhe e Sokol Ngresit. Të dy dekretet u rrëzuan dy ditë më parë nga komisioni i Ligjeve, pasi mazhoranca argumenton se Kreu i shtetit, sikurse ka ndodhur dhe më parë, nuk ka respektuar procedurën e konsultimit me Kuvendin, para se të kandidatët në parlament.
Një tjetër pikë me interes është dhe pr/vendimi “Për procedurën paraprake të përzgjedhjes së dy anëtarëve të Këshillit Mbikëqyrës të Bankës së Shqipërisë”.