Lamallari thërret drejtuesit vendorë të Policisë në takim urgjent! Çfarë pritet?

Ministri i Punëve të Brendshme, Besfort Lamallari ka thirrur sot në një takim drejtuesit vendorë të Policisë së Shtetit.

Takimi do të zhvillohet në orën 09:00, në ambientet e Drejtorisë së Përgjithshme të Policisë së Shtetit.

Duhet theksuar se ky takim vjen në një moment të vështirë, për shkak të situatës së krijuar nga zjarret në disa zona të vendit, për të cilat policia ka arrestuar dhe proceduar disa persona.

Në fokus pritet të jenë edhe disa prej ngjarjeve të tjera të ndodhura gjatë ditëve të fundit.

Jo më larg se të dielën, u raportua për një konflikt mes rojeve të sigurisë së një lokali dhe disa personave në Sarandë që përfundoi me goditjen e shefit të Krimeve të qytetit bregdetar. Ky i fundit, kishte ndërhyrë për të parandaluar përshkallëzimin e situatës.