Lewis Hamilton puth Kim Kardashian nga podiumi i Çmimit të Madh të Monakos

Lewis Hamilton i dërgoi një puthje Kim Kardashian nga podiumi i Çmimit të Madh të Formula 1 në Monako.

Piloti i Ferrarit siguroi vendin e dytë në garën e Formula 1, e zhvilluar të dielën, më 7 qershor. Në videot që qarkulluan në rrjetet sociale, Kardashian shihet duke e filmuar me telefonin e saj, ndërsa ndodhej mes anëtarëve të skuadrës së tij.

Pak sekonda më vonë, Hamilton ktheu vështrimin nga ajo, i dërgoi një puthje dhe buzëqeshi përpara se të vazhdonte festimet në podium. Në një tjetër video është regjistruar momenti kur Lewis Hamilton e zhvendos Kim Kardashian në një vend tjetër për t’i siguruar një pamje më të mirë të podiumit.

Një ditë para garës, Kardashian kishte mbërritur në Monako me jaht, e shoqëruar nga motra e saj, Khloé Kardashian, si dhe nga miku i ngushtë i familjes, Simon Huck, për të mbështetur pilotin britanik.

Thashethemet për një romancë mes yllit të televizionit dhe Lewis Hamilton nisën në muajin shkurt, kur mediat raportuan për një takim romantik të tyre në Paris. Një muaj më pas, shtatë herë kampioni i botës la një koment në një postim të saj në Instagram, që la të kuptohej se marrëdhënia mes tyre ishte afruar. Më vonë, një burim konfirmoi për revistën People se të dy kishin kaluar pushime në Tokio së bashku me katër fëmijët që Kardashian ka nga martesa me Kanye West.

Kim Kardashian është shumë e kujdesshme me personat që lejon të jenë pranë fëmijëve të saj dhe fakti që Hamilton ka kaluar kohë me ta tregon nivelin e besimit që ajo ka ndaj tij.

/tvklan.al