Masivi i mermerit zë poshtë makinën, viktima e të plagosur
Një aksident rrugor është verifikuar paraditen e së shtunës në afërsi të fshatit Çiflig në Lushnje, ku disa gurë mermeri që po transportoheshin nga një kamion janë shkëputur dhe kanë zënë poshtë një veturë.
Burime policore lokale bëjnë të ditur se ngjarja ka ndodhur rreth orës 12:45, kur gurët janë shkëputur nga kamioni me targë “AA 667 MP” dhe kanë rënë mbi një “Peugeot” me targë “AA 862 SF”.
Nga goditja e rëndë ka humbur jetën një 24-vjeçare e identifikuar me inicialet E.I, e cila po udhëtonte në makinë, ndërsa 3 persona të tjerë, përfshirë drejtuesin e mjetit kanë pësuar lëndime dhe janë transportuar në spitalin e Lushnjes.
Agjentët e policisë kanë shoqëruar në komisariat drejtuesin e kamionit, shtetasin me inicialet B.P dhe po kryejnë veprimet proceduriale.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.