Ministria e Drejtësisë në rolin e Koordinatorit Kombëtar Kundër Korrupsionit, mblodhi sot Komitetin Koordinator Kundër Korrupsionit në një mbledhje virtuale gjithëpërfshirëse.
Zëvendësministrja e Drejtësisë, Fjoralba Caka bëri të ditur se në diskutim u përfshinë 70 përfaqësuesve kyçë të partneritetit qeveritar, shoqëror e kombëtar antikorrupsion.
“Objekt i rëndësishëm i kësaj mbledhjeje ishte miratimi i draftplanit të ri të veprimit antikorrupsion 2020-2023. Hartimi i këtij dokumenti ka kaluar përmes 23 tryezave ndërinstitucionale, takimeve me fokus grupe, takimeve me ekspertë lokalë dhe ndërkombëtarë”, tha ajo.
Për hartimin e këtij draftplani, vijoi Caka, ministria e Drejtësisë vlerëson kontributin e shoqërisë civile si dhe partnerëve ndërkombëtarë.
“Vend të veçantë në gjithë këtë punë voluminoze zë mbështetja e Delegacionit të Bashkimit Europian në Tiranë me partneritetin e pakushtëzuar dhe tejet rritës për stafin e Ministrisë së Drejtësisë dhe gjithë institucioneve shqiptare të përkushtuara në rrugën europiane të vendit”, tha Caka.
Sipas saj, u diskutua edhe mbi sfidat që presin zgjidhje në periudhën aktuale.
“Përfshirja e të gjithë aktorëve në hartimin dhe monitorimin e dokumenteve strategjikë kundër korrupsionit do i bëjë edhe më efikase përpjekjet e gjithsecilit në luftën kundër Korrupsionit dhe ndërtimit të një shoqërie më transparente, demokratike dhe me më integritet”, bën të ditur zv/ministrja Caka.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.