Mot me diell dhe temperatura deri në 35 gradë Celsius

Instituti Hidrometeorologjik i Kosovës (IHMK) ka bërë të ditur se moti gjatë ditës së sotme do të jetë kryesisht me diell dhe i nxehtë.

Sipas njoftimit, temperaturat minimale do të lëvizin nga 12 deri në 17 gradë Celsius, ndërsa ato maksimale pritet të arrijnë nga 30 deri në 35 gradë Celsius.

Era do të fryjë kryesisht nga veriu dhe verilindja, me shpejtësi prej 1 deri në 4 m/s, ndërsa lokalisht mund të ketë intensitet më të lartë. /Telegrafi/