“Mund të vrasin njerëz”- Protesta, Çupi: Çunat me kapuçë nga Tetova dhe të Vetëvendosjes po krijojnë grusht shteti!

Analisti Frrok Çupi ka komentuar në emisionin “Real Story” në ABC News protestën e dhunshme, ku studentët janë përplasur me policinë dhe kanë sulmuar institucione shtetërore e biznese private.

Çupi i cilësoi protestuesit si grupe të pakontrolluara, duke paralajmëruar përshkallëzim të mëtejshëm të dhunës. Ai ngriti pretendime për përfshirjen e grupimeve nga Tetova dhe Vetëvendosja, ndërsa akuzoi Sali Berishën se është përfitues dhe i përfshirë në protestë.

“Këta njerëz të pakontrolluar. Këta nuk janë aspak studentë. Nesër mund të jenë më keq. Këta njerëz të pakontrolluar mund të nisin të vrasin edhe njerëz të pakontrolluar në rrugë. Këta mund të jenë një grupim çnjerëzor, gjakatarësh.

Kjo nuk është aspak e tepër të mendosh që kjo dorë është e fuqishme. Grupime që vijnë nga Tetova dhe nga Vetëvendosja, të gjithë ata që janë me kapuç të zinj janë të Vetëvendosjes, ne kemi një grup të tij që kanë krijuar një grusht shteti në Shqipëri. Saliu është përfitues dhe është dorë brenda protestës”, tha Çupi.