Muzikanti dhe aktori irlandez Glen Hansard humb jetën në aksident

Muzikanti dhe aktori irlandez, fitues i çmimit Oscar, Glen Hansard, ka humbur jetën në një aksident me motoçikletë në Dublin. Ai ishte 56 vjeç.

Hansard, i njohur për rolin e tij në filmin “The Commitments” dhe si vokalisti i grupit “The Frames”, ndërroi jetë pas një aksidenti me një mjet të vetëm në zonën Strawberry Beds, në Lucan, pak para orës 04:30 të mëngjesit. 

Sipas policisë irlandeze (Garda), drejtuesi i motoçikletës, një burrë rreth të 50-ave, u trajtua në vendngjarje, por u shpall i vdekur pak më vonë. Aksidenti ndodhi në segmentin Lower Road, mes Tinkers Hill dhe Rugged Lane, ndërsa autoritetet kanë nisur hetimet për shkaqet e ngjarjes. 

Hansard fitoi çmimin Oscar në vitin 2008 për këngën “Falling Slowly”, nga filmi “Once”, të cilin e interpretoi së bashku me Markéta Irglová. Lajmi për vdekjen e tij ka ngjallur reagime të shumta në Irlandë dhe në botën e muzikës.