NATO uron Maqedoninë e Veriut për ditën e pavarësisë

NATO i ka dërguar një mesazh urimi Maqedonisë së veriut me rastin e 8 shtatorit – Ditës së Pavarësisë, që shënon festën kombëtare të njërit prej shteteve anëtare të saj.

Një mesazh urimi me rastin e Ditës së Pavarësisë së Maqedonisë është publikuar në profilin zyrtar të Aleancës së Atlantikut të Veriut në rrjetet sociale.

Me anë të njoftimit, NATO uroi qytetarët e Maqedonisë, e cila është anëtare e plotë e aleancës më të madhe ushtarako-politike në botë që nga marsi i vitit 2020, për festën.

Mesazhi i urimit vjen në ditën kur Maqedonia e Veriut shënon 35 vjet nga referendumi për pavarësi i 8 shtatorit 1991, kur shumica dërrmuese e qytetarëve që shkuan të votonin votuan për një shtet sovran dhe të pavarur./Telegrafi/