NBA The Finals/ Knicks në delir, tifozët paguajnë deri në 100 mijë $ për një biletë për ndeshjen e titullit

New York po jeton ditë euforie pasi Knicks janë në rrugën e duhur për të fituar titullin kampion në NBA, i cili i mungon shoqërisë në fjalë që prej vitit 1973.

Pas dy ndeshjeve të para që u zhvilluan në Teksas tashmë seria do të transferohet në New York dhe për këtë motiv çmimet e biletave në “Madison Square Garden” janë rritur së tepërmi.

Fitoret në San Antonio kanë bërë që Knicks të kenë mundësi të mbyllin këtë duel në fushën e tyre nëse fitojnë dy takimet e radhës. Për këtë motiv ndeshja e tretë nuk është shumë e kërkuar nga tifozët, të cilët për një biletë kanë arritur që të paguajnë deri 11.736 mijë dollarë. Çmimi fillestar i tyre ishte “vetëm” 7.142 mijë dollarë.

Rritje më të madhe kanë pësuar biletat e finales së katërt, e cila mund të jetë ndeshja e titullit të shumëpritur. Sipas “Gametime” një biletë në rrjeshtin e parë në parket për takimin e katërt po shitet për më shumë se 104.000 mijë dollarë.